Ek toote hue sheeshe ki tarah
Woh aankhein… bulaati to hain, par bataati nahin
Unmein dekhta bhi hun to apni tooti parchhaai hi nazar aati hai
Jaane kya hai unke peeche, jaane kaunsi silvatein padi hain


Ek sunsaan ghar ki tarah
Woh aankhein… bulaati to hain, par bataati nahin
Dastak di hai kai baar darwaaze par, magar koi aawaaz nahin aati
Jaane kya yaadein sanjo ke rakhee hain, jaane kya-kya saamaan rakha hai inmein


Ek adhoore afsaane ki tarah
Woh aankhein… bulaati to hain, par bataati nahin
Mukhda kai baar suna hai maine, par kabhi antara sunaati nahin
Jaane kya dard chhupa hai inmein, jaane kiska intezaar hai inko


Kuch dard mujhey bhi samjhaane hain
Dard baantne se kam hote hain, shayad woh aankhein ye janti nahin
Apni sachchi-jhooti hansi ki deewar hataati nahin
Mujhey kuch dikhaati nahin


Woh aankhein… bulaati to hain, par bataati nahin
Advertisement